ԵՊՀ-ի վարձաչափերն ավելանալու են։ Այսօր տեղեկացրել է ԵՊՀ ռեկտորի ժամանակավոր պաշտոնակատար Գեղամ Գևորգյանը:
«Ես համաձայն եմ, որ շատերի համար դա բարձր է, բայց կա երկու կողմ. Մեկը ծառայություն է մատուցում, մյուսը ծառայություն է ստանում, ընդ որում՝ մեր առաջարկած ծառայությունները մենաշնորհային չեն։ Մեր բոլոր մասնագիտությունների գծով կան այլ առաջարկներ, մարդիկ կարող են ընտրել։ Եթե ընտրել են այս գնով այս ծառայությունը, ուրեմն իրենց ձեռք է տալիս։ Վարձավճարների բարձրացման վերաբերյալ շատ դժգոհություններ ենք լսել, բայց մեր բոլոր մասնագիտությունների գծով այլ առաջարկներ կան, բայց եթե ընտրել են այս տարբերակը, ուրեմն դա իրենց ձեռք է տալիս»,- ասաց Գևորգյանը:
Նա հստակեցրեց, որ միայն առաջին կուրսեցիներին ուսման վարձերն են բարձրացել և հորդորեց բարոյական խրատներ չտալ։
«Համավարակով պայմանավորված` ԵՊՀ-ն ևս վնասներ է կրել։ Համավարակի հետ կապված. 180 միլիոն դրամ չստացած գումարներ, որոնք, օրինակ, ուսման վարձերի պարտքեր են, մոտ 40 միլիոն դրամ զեղչ են արել այս կիսամյակում, Ծաղկաձորի բազան չի աշխատել և այլն: Ըստ համապատասխան օրենքի, եթե մենք 10 տոկոսից ավելի զեղչ ենք անում, ապա դա ուսանողի համար եկամուտ է լինում, իսկ մենք, որպես հարկային գործակալ, պարտավոր ենք վճարել նրա հարկերը։ Օրինակ, եթե մենք 100 մլն դրամից ավելի զեղչ ենք անում, դրա դիմաց մոտավոր 30 մլն դրամ վճարում ենք պետական բյուջե»,- նշեց ռեկտորի պաշտոնակատարը։
Նա տեղեկացրեց, որ ուսման վարձավճարների թանկացման արդյունքում ԵՊՀ-ի դասախոսների և դեկանների աշխատավարձը միջինում տասը տոկոսով կբարձրանալ։
Մանրամասները՝ տեսանյութում
https://www.facebook.com/armeniatodayrus/videos/3428275473869568/?__xts__%5B0%5D=68.ARB28apWZWVDhqV8mksDMl1uQtQx9l5zDf2ZtEn8RBqn6_yYJ9xfiqzBT9WiOqEcwxojGMHZIO3-C_fkAIuihnIk0Pe8L3x5UecIQd-t3I2BLkHwhxlJ2GHpmTD_cNMadv8u8QVpgWJq-dFtXrBTIqgbdVkm8U70puS20bt6yXoYuPoy_3vUJB3-dtwthI4D3RpO6VhizRDN4q3Y3lBwyUamV6ucinc5G8CxSSZ6a2b8QHFO9UQExwOhzpW7QolHMcIfnq4MPQFoyhYTceM00aM-cteC2mRtejHbKxxam–IqM87uAE0aDOOb-nIx0OvvGmpbaZ2YivVpZ9zY4fx7YHQcVeEMXO5uKFIBA&__tn__=-R
