ԱՄՆ-ն աջակցում է ռուս ժողովրդի ձգտումներին դեպի պայծառ ապագա, Ռուսաստանի օրվան նվիրված ուղերձում հայտարարել է ԱՄՆ պետքարտուղար Մարկո Ռուբիոն՝ վերահաստատելով կառուցողական ներգրավվածության ցանկությունն Ուկրաինայի հետ պատերազմի խաղաղ կարգավորման ուղղությամբ։
Ռուսաստանի օրը նշվում է՝ ի պատիվ երկրի ինքնիշխանության հռչակման՝ 1990թ., որն իրականացվել է Խորհրդային Միության փլուզումից ավելի քան մեկ տարի առաջ։
«Մենք այս հնարավորությունն օգտագործում ենք վերահաստատելու Ռուսաստանի Դաշնության հետ կառուցողական երկխոսության մեր պատրաստակամությունը, որպեսզի հնարավոր լինի տևական խաղաղություն հաստատել Ռուսաստանի և Ուկրաինայի միջև»,- հավելել է նա։
Ռուսաստանյան լրատվամիջոցները հունիսի 11-ին հաղորդել էին, որ Վաշինգտոնում Մոսկվայի նոր դեսպանը՝ Ալեքսանդր Դարչիևը, պաշտոնապես իր հավատարմագրերը հանձնելով ԱՄՆ նախագահ Դոնալդ Թրամփին՝ հայտարարել էր, որ աշխատելու է երկու գերտերությունների միջև հարաբերությունների լիարժեք վերականգնման ուղղությամբ։
Մոսկվայի և Վաշինգտոնի հարաբերությունները բարելավվել են Թրամփի պաշտոնավարման ընթացքում: ԱՄՆ-ի և ՌԴ-ի նախագահները հունիսի 4-ին հետախոսազրույց էին ունեցել:
