ԱՄՆ նախագահ Դոնալդ Թրամփն ընդգծել է, որ Ուկրաինայի հակամարտությունն «իր պատերազմը չէ», հայտարարել է Ռուսաստանի արտաքին գործերի նախարար Սերգեյ Լավրովը՝ պատմական հարավային ռուսական հողերին նվիրված բարձր մակարդակի համաժողովում, փոխանցում է ՏԱՍՍ-ը։
«Ստամբուլում ուկրաինացիները նստեցին, խոսեցին, քննարկեցին համաձայնագրերը թե՛ ռազմագերիների փոխանակման, թե՛ այն մասին, որ երկու կողմերն էլ կպատրաստեն հուշագիր, կնշվեն կարգավորման բովանդակությունը կազմող հարցերը, որոնց պետք է առաջնահերթ ուշադրություն դարձնել։ Նրանք համաձայնեցին, և ոչ մի առանձնահատուկ բան տեղի չունեցավ։ Համաձայնեցին, քանի որ ակնկալում էին, որ Արևմուտքի, այդ թվում՝ Միացյալ Նահանգների աջակցությունը կլինի հավերժական, և նրանց թույլատրվի ամեն ինչ անել հավերժական։ Սակայն Թրամփը ցույց տվեց իրավիճակի այլ ըմբռնում»,- հայտարարել է Լավրովը։
Ռդ արտգործնախարարի խոսքով՝ Թրամփի դիրքորոշումը, որ ԱՄՆ-ն առաջնորդվում է ազգային շահերով, վերաբերում է նաև ուկրաինական իրավիճակին։
«Ի՞նչ ազգային շահ ունի Միացյալ Նահանգներն Ուկրաինայում, բացի այն խնդիրից, որն առաջ են մղում ժողովրդավարական վարչակազմերը, այն է՝ զսպել և անընդհատ ճնշման տակ պահել Ռուսաստանին։ Ոչ մի այլ շահ»,- հավելել է նա։
Ռուսաստանն ու Ուկրաինան Ստամբուլում մայիսի 16-ին ուղիղ բանակցություններ էին անցկացրել և պայմանավորվել գերիների փոխանակման և բանակցությունները շարունակելու մասին։
