Ամերիկացի և եվրոպացի դիվանագետները մի քանի ժամվա ընթացքում մի քանի հեռախոսազանգեր են ունեցել, երբ ԱՄՆ նախագահ Դոնալդ Թրամփն առաջարկել է միանալ մայիսի 15-ին Ուկրաինայի և Ռուսաստանի միջև հնարավոր բանակցություններին, գրում է Reuters-ը։
Ռուսաստանն Ուկրաինային առաջարկել էր մայիսի 15-ին Ստամբուլում վերսկսել 2022 թվականին ընդհատված ուղիղ բանակցությունները։ Ուկրաինայի նախագահ Վլադիմիր Զելենսկին հայտարարել էր, որ Թուրքիայում կսպասի Ռուսաստանի նախագահ Վլադիմիր Պուտինին։ Թուրքիայի նախագահ Ռեջեփ Թայիփ Էրդողանը, իր հերթին, տեղեկացրել էր՝ Անկարան պատրաստ է հյուրընկալել այդ բանակցությունները։
ԱՄՆ նախագահը մայիսի 12-ին հայտարարել էր, որ «մտածում է» Սաուդյան Արաբիա, Արաբական Միացյալ Էմիրություններ և Կատար կատարած այցերից հետո Ստամբուլ ուղևորվելու մասին՝ ռուս-ուկրաինական բանակցություններին մասնակցելու նպատակով։
