Ուկրաինայի նախագահ Վլադիմիր Զելենսկին պատասխանել է Ռուսաստանի նախագահ Վլադիմիր Պուտինի՝ կրակի դադարեցման շուրջ ուղիղ բանակցությունները վերսկսելու առաջարկին։
«Ակնկալում ենք, որ Ռուսաստանը կհաստատի ամբողջական, երկարատև և հուսալի հրադադարը։ Ուկրաինան պատրաստ է հանդիպել սկսած վաղվանից՝ մայիսի 12-ից»,- հայտարարել է Զելենսկին իր Telegram-ի ալիքում:
Մայիսի 8-ից մեկնարկել էր ՌԴ նախագահի առաջարկած եռօրյա հրադադարը: Մայիսի 10-ին ՌԴ նախագահի մամուլի քարտուղար Դմիտրի Պեսկովը հայտնել էր, որ Ռուսաստանը կմտածի Կիևի՝ 30-օրյա հրադադարի առաջարկի մասին։
Մայիսի 11-ին Ռուսաստանն Ուկրաինային առաջարկել էր մայիսի 15-ին Ստամբուլում վերսկսել 2022 թվականին ընդհատված ուղիղ բանակցությունները։
