Վատիկանում՝ Միքելանջելոյի Սիքստինյան կապելլայում, մայիսի 8-ի երեկոյան մեկնարկում է կոնկլավը, որի ընթացքում ընտրվելու է Հռոմի 267-րդ պապը, հայտնել է BBC-ն։
Քվեարկությանը կմասնակցի 133 կարդինալ։ Ընտրությունից առաջ Սուրբ Պետրոսի տաճարում պատարագ կմատուցվի, որը կհեռարձակվի ուղիղ եթերով։
Նշվում է, որ վաղ կեսօրին Վատիկանի տարածքում բջջային կապի ազդանշանը կանջատվի՝ կոնկլավին մասնակցող ցանկացած անձի արտաքին աշխարհի հետ կապը կանխելու համար։
Ֆրանցիսկոս պապը մահացել էր ապրիլի 21-ին՝ 88 տարեկան հասակում։ Ապրիլի 22-ին վարչապետ Նիկոլ Փաշինյանը ցավակցական հեռագիր էր հղել նրա մահվան կապակցությամբ։ Ապրիլի 26-ին պապի հուղարկավորությանը մասնակցել էին Ամենայն Հայոց կաթողիկոս Գարեգին Երկրորդը և ՀՀ նախագահ Վահագն Խաչատուրյանը։
