Միլիարդատեր, գործարար Իլոն Մասկը կդադարի աշխատել ԱՄՆ կառավարությունում, երբ ավարտի իր պարտականությունները որպես ԱՄՆ կառավարության արդյունավետության դեպարտամենտի (DOGE) ղեկավար, հայտնել է Սպիտակ տան մամուլի քարտուղար Քերոլայն Լևիտը։
Նա մեկնաբանել է Politico թերթի հրապարակումն այն մասին, որ ԱՄՆ նախագահ Դոնալդ Թրամփն իր մերձավոր շրջապատին ասել է, որ Մասկի քաղաքական դերը կնվազի առաջիկա շաբաթներին։ Մասկը հիմնականում կկենտրոնանա բիզնեսի վրա «և աջակցող դեր կխաղա» քաղաքականության առումով՝ հավանաբար «պահպանելով Թրամփի ոչ պաշտոնական խորհրդականի դերը», ասել են հրատարակության աղբյուրները։
«Այս սենսացիան աղբ է։ Մասկը և նախագահ Թրամփը հրապարակայնորեն ասել են, որ Իլոնը կդադարի աշխատել կառավարության համար որպես հատուկ պետական աշխատող, երբ ավարտվի իր անհավանական աշխատանքը DOGE-ում»,- ,- ընդգծել է Լևիտը:
2024թ․ նոյեմբերին Թրամփը Մասկին (SpaceX-ի և Tesla-ի հիմնադիր) և Վիվեկ Ռամասվամիին (Roivant Sciences կենսատեխնոլոգիական ընկերության ղեկավար) նշանակել էր կառավարության արդյունավետության նոր դեպարտամենտի (DOGE) ղեկավարներ։
Փետրվարի 25-ին ԶԼՄ-ները հայտնել էին, որ DOGE-ի աշխատանքի պատճառով Սպիտակ տանը պառակտում է։
