Հայաստանը միացել է ՄԱԿ-ի Անվտանգության խորհրդում վետոյի իրավունքը սահմանափակելու Ֆրանսիայի և Մեքսիկայի նախաձեռնությանը, հայտնել է Ֆրանսիայի ԱԳՆ-ն։
«Ֆրանսիան և Մեքսիկան ողջունում են զանգվածային վայրագությունների դեպքում վետոյի իրավունքի սահմանափակմանն աջակցելու Հայաստանի որոշումը: Այս քայլը վերահաստատում է արդյունավետ բազմաբևեռության հավատարմությունը և ուժեղացնում է ԱԽ կարողությունը կրիտիկական իրավիճակներում գործողություններ ձեռնարկելու համար»,- ասվում է հայտարարության մեջ։
Ֆրանսիան, որը ապրիլի 1-ից մեկ ամիս նախագահում է Անվտանգության խորհուրդը, դեռ 2015 թվականին առաջարկել էր սահմանափակել ՄԱԿ-ի Անվտանգության խորհրդի մշտական անդամների վետոյի իրավունքը զանգվածային հանցագործությունների դեպքում, ինչպիսիք են ցեղասպանությունը և մարդկության դեմ հանցագործությունները։ Ֆրանսիայի և Մեքսիկայի նախաձեռնությունը, որը խթանվում է նույն ժամանակից, արդեն ստացել է 107 երկրների աջակցությունը։ Այս տարի այն կնշի իր 10-ամյակը ՄԱԿ-ի 80-րդ Գլխավոր ասամբլեայի բարձր մակարդակի շաբաթվա ընթացքում:
