Մյանմայի իշխանությունները մեկշաբաթյա համազգային սուգ են հայտարարել երկրաշարժի զոհերի հիշատակին, հայտարարել է երկրի Պետական վարչական խորհրդի նախագահ, վարչապետ և ավագ գեներալ Մին Աուն Հլաինգը, փոխանցել է «ՌԻԱ Նովոստի»-ն։
«Կյանքի կորստի և ավերածությունների համար կարեկցանքից ելնելով` յոթ օր ազգային սուգ է հայտարարվել: Ազգային դրոշը պետք է իջեցվի այս օրերին»,- ասվում է Հլայնի հայտարարության մեջ:
Մյանմայում մարտի 28-ին տեղի ունեցած երկրաշարժի հետևանքով զոհերի թիվը գերազանցել էր 1700-ը։
Մարտի 28-ին Մյանմայում 7,7 մագնիտուդով երկրաշարժ էր տեղի ունեցել: Ցնցումներն զգացվել էին նաև Բանգլադեշում, Հնդկաստանում, Թաիլանդում, Լաոսում և Չինաստանում: Մարտի 28-ին ՀՀ ԱԳՆ-ն ցավակցել էր և հայտնել, որ Մյանմայում տեղի ունեցած երկրաշարժի հետևանքով զոհվածների շրջանում ՀՀ քաղաքացիներ լինելու վերաբերյալ տվյալներ այս պահին չկան։
