ԱՄՆ ընտրված նախագահ Դոնալդ Թրամփի և Ռուսաստանի նախագահ Վլադիմիր Պուտինի հեռախոսազրույցը կարող է տեղի ունենալ առաջիկա օրերին կամ շաբաթներին, «ՌԻԱ Նովոստիի» փոխանցմամբ՝ հայտնել է Թրամփի ազգային անվտանգության հարցերով խորհրդական Մայք Ուոլցը։
«Դեռ չենք որոշել ստույգ ձևաչափը (ապագա հանդիպման-խմբ.), բայց աշխատում ենք այդ ուղղությամբ։ Ակնկալում եմ, որ առաջիկա օրերին կամ շաբաթներին զանգը տեղի կունենա, սա կլինի առաջին քայլը, որից հետո մենք կշարժվենք առաջ»,- ասել է Ուոլցը։
Նա հավելել է, որ Ուկրաինայի հակամարտության կարգավորման համատեքստում կարևոր խնդիրներից մեկը լինելու է մարտադաշտում իրավիճակի կայունացումը։
Ավելի վաղ Թրամփը հայտարարել էր, որ Պուտինը ցանկություն է հայտնել հանդիպել իր հետ և կողմերը նախապատրաստվում են այդ հանդիպմանը։
