Հարավային Կորեայի խորհրդարանը քվեարկել է բանաձևի օգտին, որը կոչ է անում անհապաղ ձերբակալել նախագահ Յուն Սեկ Յոլին և յոթ այլ պաշտոնյայի՝ ռազմական դրություն մտցնելու փորձի համար, հայտնում է Interfax-ը:
Ըստ աղբյուրի՝ բանաձևին կողմ է քվեարկել 191 պատգամավոր, դեմ՝ 94, ձեռնպահ՝ 3-ը։
Բացի այդ, խորհրդարանը հավանություն է տվել հատուկ դատախազի նշանակմանը, որն իրավասու կլինի հետաքննել Յոլի գործը: Հետաքննության մեջ ներգրավված են վարչապետ Հան Դեոկ Սուն և Հակահետախուզության ղեկավար Յո Ին Հյուն։
Աղբյուրի տեղեկություններով՝ նախագահը չի կարող վետո դնել հատուկ խորհրդական նշանակելու բանաձևի վրա, սակայն կարող է հենց ինքը հետաձգել նշանակումը:
Բացի այդ, ընդդիմադիր «Տոբուրո» դեմոկրատական կուսակցությունը հայտարարել է Արդարադատության նախարար Պակ Սուն Ջեի և Ազգային ոստիկանական գործակալության ղեկավար Չո Ջի Հոյի իմպիչմենտի ծրագրերի մասին: Ընթացակարգը պետք է տեղի ունենա շաբաթ օրը։
Դեկտեմբերի 3-ի երեկոյան Յոլը խորհրդարանական ընդդիմության գործողությունների՝ գործադիր իշխանությունը կաթվածահար անելու դեմ պայքարի նպատակով ռազմական դրություն Էր մտցրել, որը չեղարկվել էր շուրջ 6 ժամ անց: Ընդդիմությունը դեկտեմբերի 4-ին խորհրդարանում իմպիչմենտի գործընթաց էր նախաձեռնել՝ համարելով, որ նախագահը խախտել է Սահմանադրությունը, քանի որ ռազմական դրության համար հիմքեր չկային: Ավելի ուշ ոստիկանությունն ու դատախազությունը նախագահի նկատմամբ հետաքննություն էին սկսել:
Դեկտեմբերի 4-ին Հարավային Կորեայի պաշտպանության նախարարը ներողություն էր խնդրել քաղաքացիներից երկրում ռազմական դրություն հայտարարելու հետ կապված իրավիճակի համար և հրաժարական էր տվել։
