Ռուսաստանցի սուսերամարտիկ Յանա Եգորյանը Թբիլիսիում կայացած սուսերամարտի աշխարհի առաջնությունում ոսկե մեդալ է նվաճել, հայտնել է ՌԲԿ-ն։
Եզրափակչում Եգորյանը 15:11 հաշվով հաղթել է լեհ մարզուհի Զուզաննա Չեսլարին։
31-ամյա Յանա Եգորյանը երրորդ անգամ նվաճել է սուսերամարտի աշխարհի չեմպիոնի տիտղոսը։ Նախկինում նա երկու անգամ հաղթել էր 2016 թվականի Օլիմպիական խաղերի անհատական և թիմային մրցումներում, իսկ 2015 և 2019 թվականներին դարձել էր թիմային մրցաշարերի աշխարհի չեմպիոն։
Ռուս սուսերամարտիկներին արգելվել էր մասնակցել միջազգային մրցաշարերին 2022 թվականին, սակայն նրանց թույլատրվեց մասնակցել անհատական մրցումներին 2023 թվականի մարտին։
2025 թվականի մայիսին սուսերամարտի միջազգային ֆեդերացիան (FIE) ընդլայնեց ռուսների մասնակցության իրավունքը՝ թույլ տալով նրանց մասնակցել թիմային մրցումներին՝ որպես չեզոք մարզիկներ։
2025 թվականի սուսերամարտի աշխարհի առաջնությունն անցկացվում է հուլիսի 22-ից 30-ը՝ Թբիլիսիում։
