Իսպանական «Սևիլիա» ակումբը հետաքրքրություն է ցուցաբերում Հայաստանի ֆուտբոլի ազգային հավաքականի և «Կրասնոդարի» կիսապաշտպան Էդուարդ Սպերցյանի նկատմամբ, հայտնում է РБ Спорт-ը։
Ըստ կայքի՝ իսպանական ակումբը դիտարկում է 24-ամյա հայ ֆուբոլիստին ամառային տրանսֆերային պատուհանի ժամանակ ձեռք բերելու հնարավորությունը:
Նշվում է, որ գործարքով հետաքրքրված է իսպանացիների գլխավոր մարզիչ Խոակին Կապառոսը, ով նախկինում նրա հետ աշխատել է Հայաստանի հավաքականում:
Նախորդ մրցաշրջանում Սպերցյանը «Կրասնոդարի» կազմում անցկացրած 34 խաղում դարձել է 11 գոլի և 7 գոլային փոխանցման հեղինակ: Կիսապաշտպանի պայմանագիրը կուբանյան ակումբի հետ նախատեսված է մինչև 2026 թվականի հունիսի 30-ը:
Մայիսի 24-ին Սպերցյանը «Կրասնոդար»-ի կազմում դարձել էր Ռուսաստանի չեմպիոն։ Ակումբն իր պատմության մեջ առաջին անգամ էր նվաճել ֆուտբոլի Ռուսաստանի չեմպիոնի տիտղոսը։ «Կրասնոդարի» գլխավոր մարզիչ Մուրադ Մուսաևը մայիսի 26-ին հայտարարել էր, որ Սպերցյանի նկատմամբ պահանջարկ կա, հնարավոր է՝ նա հեռանա թիմից։
Սպերցյանը Transfermarkt ինտերնետ-պորտալի վարկածով դարձել էր Ռուսաստանի Պրեմիեր լիգայի 2024/2025 մրցաշրջանի լավագույն ֆուտբոլիստը։
