Հայաստանի ֆուտբոլի ազգային հավաքականի և «Կրասնոդարի» կիսապաշտպան Էդուարդ Սպերցյանը Transfermarkt ինտերնետ-պորտալի վարկածով դարձել է Ռուսաստանի Պրեմիեր լիգայի 2024/2025 մրցաշրջանի լավագույն ֆուտբոլիստը, հայտնում է Championat.com-ը։
24-ամյա ֆուտբոլիստն անցած մրցաշրջանում Ռուսաստանի առաջնությունում անցկացրել է 28 հանդիպում, խփել 11 գոլ և կատարել 7 գոլային փոխանցում: Ինչպես նշում է պորտալի խմբագրությունը, Սպերցյանը դարձել է ոսկի նվաճած «Կրասնոդարի» առանցքային խաղացող և աչքի է ընկել բարձր մակարդակի կայուն խաղով:
Ֆուտբոլիստի գործող աշխատանքային պայմանագիրը գործող ակումբի հետ նախատեսված է մինչև 2026 թվականի ամառ: Տրանսֆերմարկտ ինտերնետային պորտալում ներկայացված տեղեկատվության համաձայն՝ 24-ամյա ֆուտբոլիստի արժեքը կազմում է 20 մլն եվրո:
«Կրասնոդարի» գլխավոր մարզիչ Մուրադ Մուսաևը հայտարարել էր, որ Սպերցյանի նկատմամբ պահանջարկ կա, հնարավոր է՝ նա հեռանա թիմից։
Մայիսի 24-ին Սպերցյանը «Կրասնոդար»-ի կազմում դարձել էր Ռուսաստանի չեմպիոն։ Ակումբն իր պատմության մեջ առաջին անգամ էր նվաճել ֆուտբոլի Ռուսաստանի չեմպիոնի տիտղոսը։
