Թուրքիայում անցկացվող ջրացատկի Եվրոպայի առաջնությունում Հայաստանը ներկայացնող Ալեքսանդրա Բիբիկինան փոխչեմպիոնի կոչում է նվաճել՝ գրանցելով պատմական արդյունք, հայտնել է Հայաստանի ջրացատկի ֆեդերացիայի նախագահ Գաբրիել Ղազարյանը:
«Թուրքիայում կրկին ծածանվեց հայկական դրոշը։ 3 մետր ոստնացատկում Բիբիկինան նվաճեց արծաթե մեդալ»,- գրել է նա:
Բիբիկինան Հայաստանի հավաքականում մրցելույթներն սկսել էր 2025 թվականի մարտին։ Ապրիլին 22-ամյա ռուս մարզուհին խոսել էր Հայաստանի դրոշի ներքո հանդես գալու իր որոշման մասին։
