«Հանրապետական» մարզադաշտում՝ Հայաստանի գավաթի խաղարկության կիսաեզրափակիչ փուլի առաջին խաղում, ապրիլի 15-ին «Արարատ-Արմենիա» ֆուտբոլային ակումբը 2:0 հաշվով հաղթել է «Փյունիկին», հայտնում են Հայաստանի ֆուտբոլի ֆեդերացայից։
Առաջին խաղակեսի վերջում «Փյունիկը» մնացել է 10 ֆուտբոլիստով, սակայն այս հատվածում քանակական առավելությունից հյուրերն օգտվել չեն կարողացել, հավելել է ՀՖՖ-ն։
Երկրորդ խաղակեսում գործող գավաթակիր «Արարատ-Արմենիան» կարողացել է աչքի ընկնել 2 անգամ՝ 51-րդ և 80-րդ րոպեներին։ Գոլերը խփել են Էրիկ Օկանսին և Մարիուս Նուբիսսին։
