Ֆուտբոլիստ Կիլիան Մբապեի տրանսֆերի շուրջ «Ռեալի» և ՊՍԺ-ի միջև բանակցություններից մանրամասներ են հայտնի դարձել, Twitter-ում հայտնել է El Debate -ի թղթակից Թոմաս-Գոնսալես Մարտինը:
Լրագրողի տեղեկություններով՝ ֆուտբոլիստի մայրը մի քանի ամիս գաղտնի բանակցություններ է վարում ՊՍԺ- հետ։ Նրա տեղեկություններով՝ նա նաև դիմել է Կատարի էմիրին, որպեսզի հնարավորինս արագ փակվի մադրիդյան ակումբ տեղափոխվելու հարցը:
Սակայն առայժմ հայտնի է, որ «Ռեալը» պատրաստ է տրանսֆերի համար վճարել առավելագույնը 200+20 մլն եվրո, իսկ ՊՍԺ-ն նրա համար պահանջում է 250+50 մլն եվրո: Նշվում է, որ բանակցությունները շարունակվում են:
Հունիսի 12-ին L’Equipе գրել էր, որ Մբապեն ՊՍԺ-ի ղեկավարությանը հայտնել է, որ հրաժարվում է երկարաձգել պայմանագիրը մինչև 2025 թվականը: Նշվում էր, որ ՊՍԺ-ն կփորձի վաճառել ֆուտբոլիստին 2023-ի ամռանը։
ՊՍԺ-ի կազմում Մբապեն հանդես է գալիս 2018 թվականից։ Հարձակվողի գործող պայմանագիրը թիմի հետ նախատեսված է մինչև 2024 թվականը՝ մեկ մրցաշրջանով երկարաձգելու տարբերակով:
