Պորտուգալացի ֆուտբոլիստ Կրիշտիանու Ռոնալդուն աշխարհում առաջինն է, ով Instagram սոցիալական ցանցում իր հետևորդների թիվը հասցրել է 500 միլիոնի։ Այս ցուցանիշով նրա ամենամոտ մրցակիցն արգենտինացի ֆուտբոլիստ Լիոնել Մեսսին է, որն ունի 376 միլիոն հետևորդ։
Ինչպես հայտնում է The Evening Standard-ը, Ռոնալդուի հետևորդների կտրուկ աճը տեղի է ունեցել նոյեմբերի 18-ին Մեսսիի հետ համատեղ լուսանկարի հրապարակումից հետո, որում ֆուտբոլիստները շախմատ էին խաղում։
Գրառումից հետո 24 ժամվա ընթացքում Ռոնալդուի հետևորդներն ավելացել են ավելի քան մեկ միլիոնով։ Պարբերականի տեղեկություններով՝ Ռոնալդուի եկամուտը սոցցանցում մեկ գովազդային գրառումից հասնում է 2 միլիոն դոլարի։
