Հնդկաստանում վթարի ենթարկված ինքնաթիռում ՀՀ քաղաքացիներ չկան, տեղեկանում ենք Air India ավիաընկերության տարածած հաղորդագրությունից։
Ընկերությանը պատկանող Boeing 787-8 ինքնաթիռում 242 ուղևորից 169-ը Հնդկաստանի, 53-ը՝ Մեծ Բրիտանիայի, 1-ը՝ Կանադայի և 7-ը՝ Պորտուգալիայի քաղաքացիներ են։ Զոհերի վերաբերյալ ընկերությունը տեղեկություն չի հրապարակել, սակայն նշել է, որ վիրավորները տեղափոխվում են ամենամոտ հիվանդանոցներ։
Հունիսի 12-ին Հնդկաստանի Ադմադաբադ քաղաքում թռիչք կատարելուց անմիջապես հետո կործանվել էր Air India ավիաընկերությանը պատկանող Boeing 787-8 Dreamliner ինքնաթիռը, որն ուղևորվում էր Լոնդոն։
