Red Wings ավիաընկերության Սոչի-Երևան չվերթը հետաձգվել է եղանակային անբարենպաստ պայմանների պատճառով, Armenia Today-ին հայտնել են ավիաընկերության հայաստանյան գրասենյակից։
«Զվարթնոց» օդանավակայանի մամուլի խոսնակ Լուսինե Մողրովյանն Armenia Today-ի հետ զրույցում նշել է, որ Սոչի-Երևան չվերթին սպասում են 18։20-ին, սակայն կարող են փոփոխություններ լինել։
«Որպես հաշվարկային ժամանակ՝ նախատեսվում է, որ 18։20 այստեղ կլինի, բայց հնարավոր է՝ կրկին փոփոխություն տեղի ունենա»,- ասել է նա։
Այսօր ավելի վաղ Осторожно, Новости տելեգրամյան ալիքը հայտնել էր, որ ուղևորները գրեթե մեկ օր չեն կարողանում թռչել Սոչիից Երևան։
Ըստ ալիքի՝ օդանավակայանում ու հյուրանոցներում ազատ տեղերի բացակայության պատճառով մարդիկ ստիպված հատակին նստած են սպասում։
