Արցախի Ազգային ժողովն այսօրվա նիստում ընդունել է սահմանադրական փոփոխությունների նախագիծ, Armenia Today-ին հայտնել է Արցախի Հանրապետության պատգամավոր Դավիթ Գալստյանը։
Նա շեշտել է, որ նախագիծն ապահովում է պետական ինստիտուտների շարունակականությունը։
Գալստյանի խոսքով՝ նիստին ներկա էր 30 պատգամավոր, որոշումն ընդունվել է միաձայն։
Արտակարգ դրության ժամանակ ընտրություններ անցկացնելու սահմանադրական անհնարինությունից ելնելով՝ Արցախի վերջին նախագահ Սամվել Շահրամանյանը խորհրդարանի լիազորությունները երկարաձգելու մասին հրամանագիր էր ստորագրել։
2023 թվականի սեպտեմբերին Լեռնային Ղարաբաղի վրա Ադրբեջանի հարձակման հետևանքով զոհվել էր 223 մարդ, որից 25-ը՝ խաղաղ բնակիչներ, այդ թվում՝ 5 անչափահաս։ Մարտերի ընթացքում վիրավորվել էր 244 մարդ, որոնցից մոտ 80-ը խաղաղ բնակիչներ են, այդ թվում՝ 10 անչափահաս։ 20 մարդ անհետ կորել էր, որոնցից 5-ը խաղաղ բնակիչներ են։ Այս իրադարձություններից հետո ավելի քան 100 հազար հայեր ստիպված Արցախից տեղափոխվել էին Հայաստան։
