Փետրվարի 26-ին Հայաստանում ջերմաստիճանը 4-5 աստիճանով կնվազի, առանձին շրջաններում սպասվում են թույլ տեղումներ և մառախուղ, հայտնում է Հայաստանի հիդրոօդերևութաբանության և մոնիթորինգի կենտրոնը։
Մայրաքաղաքում սպասվում է առանց տեղումների եղանակ։ Ցերեկը կանխատեսվում է 6-8 աստիճան, երեկոյան՝ 0-2 աստիճան տաքություն։ Շիրակի մարզում ցերեկն սպասվում է -3-ից +2 աստիճան։ Կոտայքի մարզի լեռնային շրջաններում ցերեկն սպասվում է 0-3, նախալեռնային շրջաններում՝ 3-5 աստիճան տաքություն։ Գեղարքունիքում փետրվարի 26-ի ցերեկն սպասվում է -1-ից -4 աստիճան:
Լոռու մարզում ցերեկն սպասվում է 0-ից -4 աստիճան, Տավուշի մարզում՝ -1-ից +3 աստիճան։ Արագածոտնի մարզի լեռնային շրջաններում այսօր ցերեկն սպասվում է -2-ից +1 աստիճան, նախալեռնային շրջաններում՝ 3-6 աստիճան տաքություն։ Արարատի մարզում ցերեկը կանխատեսվում է 6-8 աստիճան տաքություն։
Արմավիրում ցերեկը կլինի 6-8 աստիճան տաքություն։ Վայոց ձորի մարզի լեռնային շրջաններում ցերեկն սպասվում է 0-ից -3 աստիճան, նախալեռնային շրջաններում՝ 6-8 աստիճան տաքություն։
Սյունիքի մարզի հովտային շրջաններում ցերեկն սպասվում է 2-5 աստիճան տաքություն, նախալեռնային շրջաններում -1-ից -3 աստիճան։ Արցախում, ըստ Yandex-ի, փետրվարի 26-ին սպասվում է առանց տեղումների եղանակ։ Ցերեկն սպասվում է +1-ից +3 աստիճան։
