Արցախցիները չեն խուսափում բնակվել սահմանամերձ գյուղական բնակավայրերում, չնայած տարածված է այլ կարծիք, մամուլի ասուլիսի ժամանակ հայտարարել է Աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը։
Նրա խոսքով՝ 2020թ․ տեղահանված 35 ընտանիքներ պետական հավաստագրով տուն են ձեռք բերել սահմանամերձ բնակավայրում, քանի որ այնտեղ աջակցության առավելագույն սահմանաչափ կա՝ 14 մլն ձեռբերման, 16 մլն՝ կառուցապատման դեպքում։
Գարագյոզյանը հայտնել է, որ գյուղական 80 բնակավայրերից պետության ֆինանսավորմամբ սեփական տուն կառուցելու ծրագրի շրջանակներում հաստատվել է 220 շահառուի հայտ, և սկսվել է հիփոթեքային վարկավորման գործընթացը։
«Արցախցիներ դեռ չեն դիմել, դա պայմանավորված է նրանով, որ ծրագրից օգտվելու համար ամուսիններից գոնե մեկը պիտի ունենա ՀՀ քաղաքացիություն։ Համոզված եմ, որ կարգավիճակի հաշվառման հետ կապված հարցերը կարգավորելուց հետո արցախցիները կդիմեն այս ծրագրին»,- շեշտել է նա։
Սեպտեմբերի 19-ին Ադրբեջանը լայնամասշտաբ հարձակում էր սկսել Արցախի Հանրապետության նկատմամբ, որի հետևանքով զոհվել է ավելի քան 200, վիրավորվել՝ ավելի քան 300 արցախցի, գերեվարվել են 16-ը, խոշտանգվել՝ 14-ը, անհետ կորել՝ 42-ը։ ԼՂ-ից ՀՀ է բռնի տեղահանվել 100․632 մարդ։
Մանրամասները՝ տեսանյութում
