Ցանկացած կառավարություն տարածաշրջանում կամ դրանից դուրս, որ կցանկանա կրկնել նախորդ անհաջող փորձը, կբախվի Իրանի կոշտ արձագանքին, X-ում գրել է Իրանի գերագույն հոգևոր առաջնորդ Ալի Խամենեիի արտաքին քաղաքականության հարցերով խորհրդական Ալի Վելայաթին: Նման կերպ նա մեկնաբանել է այսպես կոչված «Զանգեզուրի միջանցքի» իրագործման փորձերի մասին հարցը։
«Հերթական անգամ որոշ կառավարություններ, ցուցադրելով իրենց սեփական շահերը և տարածաշրջանի շահերի նկատմամբ անտարբերությունը, բարձրացրել են «Զանգեզուրի միջանցքի» հարցը և թակում են բոլոր դռները՝ առաջ մղելով իրենց անօրինական նպատակները Հարավային Կովկասում»,- նշել է նա։
Ադրբեջանական և թուրքական պաշտոնյաները շարունակում են բարձրաձայնել այսպես կոչված «Զանգեզուրի միջանցքի» բացման հարցի մասին:
ԱՄՆ-ում Թուրքիայի դեսպան Թոմ Բարաքը հուլիսի 14-ին հայտարարել էր, որ մասնավոր ամերիկյան ընկերությունը կարող է ստանձնել «Զանգեզուրի միջանցքի» կառավարումը՝ Բաքվի և Երևանի միջև խաղաղության բանակցությունները առաջ մղելու համար: Մասնավորապես, ԱՄՆ-ն կարող է 100 տարով վարձակալել Սյունիքի և Նախիջևանի միջև գտնվող 34 կիլոմետրանոց ճանապարհի հատվածը:
ՀՀ տարածքային ամբողջականությունը, ինքնիշխանությունը, իրավազորությունը չի կարող արտապատվիրակվել, հուլիսի 31-ին հայտարարել է վարչապետի մամուլի խոսնակ Նազելի Բաղդասարյանը:
