Ադրբեջանը դարձել է կարևոր միջնորդ Իսրայելի և Թուրքիայի միջև՝ Սիրիայում նրանց հնարավոր ռազմական բախումների համատեքստում, գրել է ամերիկյան Barron’s ամսագիրը։
Այսպիսով՝ Ադրբեջանի նախագահի արտաքին գործերի հարցերով խորհրդական Հիքմեթ Հաջիևը հաստատել է, որ Բաքվում տեղի է ունեցել Թուրքիայի և Իսրայելի միջև Սիրիայում անվտանգության սպառնալիքների նվազեցման վերաբերյալ բանակցությունների առնվազն երեք փուլ։
Լրատվականը նշել է, որ Ադրբեջանի ազդեցությունն այս երկու երկրի վրա մեծացել է հատկապես Լեռնային Ղարաբաղում իր հաջող ագրեսիայի արդյունքում։
Իսրայելը և Թուրքիան Բաքվի միջնորդությամբ մայիսի 22-ին հիմնարար համաձայնության էին եկել՝ ուղղված Սիրիայում իրենց զինվորականների միջև բախումների կանխարգելմանը։ Համաձայնագրի շրջանակներում ստեղծվել էր թեժ գիծ՝ հնարավոր միջադեպերն արագորեն լուծելու համար։
