Թուրքիայի և Ադրբեջանի զինված ուժերը Նախիջևանում համատեղ հրամանատարական զորավարժություններ են անցկացրել, հայտնում են ադրբեջանական լրատվամիջոցները՝ հղում անելով Թուրքիայի պաշտպանության նախարարությանը։
Նրանց տեղեկությունների համաձայն՝ զորավարժություններին մասնակցել են Նախիջևանում տեղակայված Ադրբեջանի զինված ուժերի առանձին համակցված բանակի ստորաբաժանումները և Թուրքիայի 9-րդ կոմանդոսային բրիգադի հրամանատարությունը։
Մայիսի 1-ին Ադրբեջանի զինված ուժերը Նախիջևանում անցկացրել էին հրամանատարաշտաբային զորավարժություններ։ Փետրվարին Ադրբեջանում անցկացվել էին ցամաքային զորքերի հրամանատարաշտաբային զորավարժություններ։
