Ադրբեջանական լրատվամիջոցները լուսանկարներ են հրապարակել Բաքվում ապօրինի ձերբակալված Արցախի ռազմաքաղաքական ղեկավարության ներկայացուցիչների շինծու «դատավարությունից»։
Դեկտեմբերին Բաքուն դատարան էր փոխանցել Ադրբեջանում ապօրինաբար կալանավորված 15 անձանց, այդ թվում՝ Արցախի նախկին ղեկավարների «քրեական գործը»։ Նրանց մեղադրանք է առաջադրվել 2548 կետով։
Այս «գործով» կա 15 մեղադրյալ՝ Արցախի նախկին նախագահներ Արկադի Ղուկասյանը, Արայիկ Հարությունյանը և Բակո Սահակյանը, Արցախի Ազգային ժողովի նախագահ Դավիթ Իշխանյանը, ԱԳ նախկին նախարար Դավիթ Բաբայանը, պաշտպանության նախկին նախարար Լևոն Մնացականյանը, Արցախի ՊԲ հրամանատարի նախկին առաջին տեղակալ Դավիթ Մանուկյանը, ինչպես նաև Գարիկ Մարտիրոսյանը, Մելիքսեթ Փաշայանը, Դավիթ Ալլահվերդիյանը, Գուրգեն Ստեփանյանը, Լևոն Բալայանը, Մադաթ Բաբայանը, Վասիլի Բեգլարյանը և Էրիկ Ղազարյանը, նախկին պետնախարար Ռուբեն Վարդանյանին Բաքվի բանտում ցմահ ազատազրկում է սպառնում։
Հաղորդվում է, որ Արցախի առաջնորդների գործով հաջորդ նիստը կկայանա հունվարի 21-ին, Վարդանյանի գործով՝ հունվարի 27-ին, քանի որ դատարանը բավարարել է Արցախի նախկին պետնախարարի պաշտպանների հայցը, և 10 օր ժամանակ տվել գործի նյութերին ծանոթանալու համար։
