Գեներալներ Մովսես Հակոբյանի և Արմեն Հարությունյանի գույքի վրա շուրջ 4,5 մլրդ դրամի չափով արգելանք է դրվել, հայտնում է «Փաստինֆոն»։
Նշվում է, որ Հակակոռուպցիոն դատարանը բավարարել է հայցի ապահովման միջոց կիրառելու մասին միջնորդությունը։
Թերթը հիշեցրել է, որ ՀՀ դատախազությունը ՀՀ ԶՈւ ԳՇ նախկին պետ, գեներալ-գնդապետ Մովսես Հակոբյանից և ՀՀ ԶՈւ հրթիռային զորքերի և հրետանու վարչության նախկին պետ, գեներալ-մայոր Արմեն Հարությունյանից պահանջում է շուրջ 4,5 մլրդ դրամ բռնագանձել՝ իբրև որպես պետությանը պատճառված վնասի փոխհատուցում։
Հայցադիմումը Հակակոռուպցիոն քաղաքացիական դատարան մուտքագրվել է 2025 թվականի մարտի 17-ին և նույն օրը մակագրվել դատավոր Լիլի Դրմեյանին։
Ըստ պաշտպանության կողմի՝ քրեական գործով անցել են վաղեմության ժամկետները, իսկ գեներալները մեղադրանքը չեն ընդունում։
Ապրիլի 2-ին Դատախազությունից Armenia Today-ին հայտնել էին, որ Հակոբյանի նկատմամբ նոր քրեական գործ է հարուցվել և 10 միլիոնի գրավ սահմանվել։
