Եվրոպայի խորհրդի խորհրդարանական վեհաժողովը (ԵԽԽՎ) Վահե Գրիգորյանին ընտրել է Մարդու իրավունքների եվրոպական դատարանի (ՄԻԵԴ) դատավոր՝ Հայաստանի կողմից, տեղեկանում ենք վեհաժողովի կայքից։
Գրիգորյանը ՄԻԵԴ դատավոր է ընտրվել 9 տարի ժամկետով։ Նա պաշտոնը կստանձնի ընտրվելուց ոչ ուշ, քան երեք ամիս հետո:
ԵԽԽՎ-ի կողմից դատավորներն ընտրվում են Մարդու իրավունքների եվրոպական կոնվենցիան վավերացրած յուրաքանչյուր պետության կողմից ներկայացված երեք թեկնածուի ցանկից: ՄԻԵԴ-ի դատավորները քննարկում են այս կոնվենցիայի խախտումների վերաբերյալ բոլոր երկրներից ստացած բողոքները՝ բացառությամբ իրենց երկրի՝ շահերի բախումից խուսափելու համար:
2024-ի հոկտեմբերին ՀՀ վարչապետ Նիկոլ Փաշինյանը հաստատել էր ՄԻԵԴ-ի դատավորի պաշտոնում ՀՀ կողմից առաջադրվող թեկնածուների նոր կազմը, որոնց թվում էին Գրիգորյանը, Նորա Կարապետյանը, Աննա Մարգարյանը։
