Պետական գույքի կառավարման նախկին նախագահ, ՀՀԿ ներկայացուցիչ Արման Սահակյանը ձերբակալվել է, Armenia Today-ին հայտնեց ՔԿ մամուլի խոսնակ Կիմա Ավդալյանը։
ՔԿ-ն նրա նկատմամբ հանրային քրեական հետապնդում է հարուցել պաշտոնատար անձանց օժանդակելու հատկանիշներով։ Սահակյանի նկատմամբ կիրառվել է վարչական հսկողություն, հավելել է Ավդալյանը։
Ըստ ՔԿ ներկայացուցչի՝ Սահակյանը մեղադրվում է 12 այլ անձանց հետ 2012-2015թթ. Երևան քաղաքում գտնվող 3 ուսումնական հաստատությունների զբաղեցրած տարածքների վերաճշտման պատրվակով ապօրինի հողատարածքներ առանձնացնելու և իրենց փոխկապակցված անձանց օտարելու մեջ։ Դրանց հանցավոր ծագումը, իրավունքները և պատկանելիությունը թաքցնելու նպատակով այդ տարածքները, ըստ քննիչների, մտացածին աճուրդների միջոցով փոխանցվել են Սահակյանի հետ առնչություն ունեցող անձանց։
Սահակյանի հետ միասին ձերբակալվել է ևս 7 անձ, նրանց կալանավորելու վերաբերյալ միջնորդություններ են ներկայացվել դատարան։ Մեղադրյալների նկատմամբ կիրառվել են տարբեր խափանման միջոցներ:
Սահակյանը Ազգային ժողովի նախկին (2014-2017թթ.) խոսնակ Գալուստ Սահակյանի որդին է։ Նա 2011-2018թթ․ աշխատել է կառավարությանն առընթեր պետական գույքի վարչության պետի պաշտոնում։ 2021 թվականին ներգրավվել էր Երևանի դպրոցներից մեկի տարածքին հարակից հողամասի օտարման հետ կապված քրեական գործով։ Սահակյանին մեղադրանք էր առաջադրվել Քրեական օրենսգրքի 308-րդ հոդվածի 2-րդ մասով։ (Պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ, պատժվում է ազատազրկմամբ՝ առավելագույնը 6 տարի ժամկետով):
