Թմրամիջոցներ ներմուծելու և իրացնելու գործով Հայաստանում 27-ամյա օտարերկրացի կին է ձերբակալվել, հայտնում է ՆԳՆ ոստիկանության մամուլի ծառայությունը։
Ըստ գերատեսչության` կինը տարբեր տեսակի թմրամիջոցներ էր ներմուծել Հայաստան և համացանցի միջոցով կազմակերպել դրանց իրացումը։
Նշվում է, որ հոկտեմբերի 18-ին կնոջ բնակության վայրում կատարված խուզարկության արդյունքում հայտնաբերվել են տարբեր տեսակի թմրանյութեր։
ՆԳ նախարար Վահե Ղազարյանը հոկտեմբերի 15-ին հայտնել էր, որ 2021-2023 թվականներին հայտնաբերվել է համացանցի միջոցով թմրամիջոցների ապօրինի շրջանառության 631 դեպք (173-ը՝ իրացման, իսկ 458-ը՝ ձեռք բերելու), վերջին հինգ տարիներին արգելափակվել է թմրամիջոցների ապօրինի շրջանառությամբ զբաղվող շուրջ 120 համացանցային հարթակ, հայտնաբերվել՝ թմրամիջոցների պատրաստման ընդհատակյա լաբորատորիա։
