Իրանի հարավում գտնվող Բենդեր Աբբասի նավահանգստում պայթյունի հետևանքով զոհերի թիվը հասել է 40-ի, հայտնել է IRIB պետական հեռուստաալիքը:
New York Times-ի տեղեկություններով՝ պայթյունը կարող էր առաջացնել այն նյութը, որն օգտագործվում էր որպես կոշտ հրթիռային վառելիք ստանալու բաղադրիչ: Իրանական նավթամթերքի արտադրության և բաշխման ազգային ընկերությունը ճշտել է, որ տեղի ունեցածը կապված չէ նավթային ենթակառուցվածքի հետ, քանի որ, ըստ ընկերության, նավթավերամշակման գործարանն ու խողովակաշարերն աշխատում են բնականոն ռեժիմով:
Պայթյունը տեղի էր ունեցել ապրիլի 26-ին։ Պայթյունի հետևանքով վնասվել էին Բանդար Աբբասի արևմտյան մասում գտնվող որոշ արդյունաբերական գործարաններ։ Ապրիլի 27-ին հայտնի էր դարձել 28 զոհի մասին։ ՀՀ ԱԳՆ-ն ՀՀ ԱԳՆ-ն ցավակցել էր Իրանին։
Ապրիլի 28-ը Իրանում համազգային սգի օր էր հայտարարվել։
