Երևանի «Վայբ» սրճարանում խուլիգանություն է տեղի ունեցել ռուս տիկտոկերի մասնակցությամբ, հայտնել է Shamshyan.com-ը։
Ըստ կայքի՝ հունվարի 26-ին ազգությամբ ռուս «Ռիժուլյա» օգտանունով 22-ամյա Կիրիլ Ատաևը «Տիկ Տոկ» հարթակով դուրս է եկել ուղիղ եթեր, հնչեցրել սեռական բնույթի հայհոյանքներ, այդ թվում՝ հայերի հասցեին և խաթարել է սրճարանի բնականոն աշխատանքը։
Կայքի տեղեկություններով՝ 6-7 անհայտ երիտասարդ մուտք է գործել սրճարան և հարվածներ հասցրել վերջինիս, ինչի հետևանքով վնասվել է սրճարանի գույքը:
Ատաևը տեղափոխվել է ոստիկանության Կենտրոնական բաժին, իսկ խուլիգանություն կատարած մյուս անձանց ինքնությունը պարզելու ուղղությամբ աշխատանքներն, ըստ կայքի, շարունակվում են:
