«Շտապօգնության» ՓԲԸ-ի բժիշկներն ու վարորդները Պարոնյան և Լեո փողոցների հատման հատվածում մի խումբ անձանց կողմից բռնության են ենթարկվել, հայտնել է Երևանի քաղաքապետարանի խոսնակ Հայկ Կոստանյանը։
«Նման վերաբերմունքը ոչ միայն անընդունելի է, այլ նաև արժանի է ամենախիստ իրավական գնահատականին»,- գրել է Կոստանյանը։
ՀՀ ՆԳՆ-ն հավելել է, որ դեպքի մասին ահազանգն ստացվել է մայիսի 30-ին՝ ժամը 12:12-ին։
«Ծեծի ենթարկվելու հետևանքով բուժկենտրոն են տեղափոխվել շտապօգնության 4 աշխատակից։ Բոլորի առողջական վիճակը բավարար է»,- ասվում է հաղորդագրությունում։
Մայիսի 26-ին Երևանում տղամարդը կացնով հարձակվել էր շտապօգնության խմբի վրա, այնուհետ ձերբակալվել ու տեղափոխվել էր բաժին։ Բժիշկների նկատմամբ բռնության դեպքեր ին տեղի ունեցել նաև փետրվարին։
