Արարատի մարզի Այգավան գյուղի մոտակայքում գտնվող բենզալցակայանում տեղի ունեցած պայթյունի հետևանքով տուժած երեք քաղաքացի հոսպիտալացվել է, հայտնում է Առողջապահության նախարարության մամուլի ծառայությունը։
Ըստ գերատեսչության՝ նրանցից երկուսի առողջական վիճակը բժիշկները գնահատում են ծայրահեղ ծանր, գտնվում են վերակենդանացման բաժանմունքում:
Մյուս տուժածի առողջական վիճակը գնահատվում է ծանր, գտնվում է հետազոտման փուլում:
Այսօր ավելի վաղ ՀՀ ՆԳՆ-ն հայտնել էր, որ Այգավանի մոտ գտնվող բենզալցակայանում պայթյուն է տեղի ունեցել, նախնական տվյալներով՝ պայթել է մոտ 25 տոննա կշիռ ունեցող հեղուկ գազի գլանատակառը։
