Վրաստանի ազգային վիճակագրական ծառայության (Սակստատ) տվյալներով՝ 2025 թվականի հուլիսին տարեկան գնաճը կազմել է 4,3%, հայտնում է «Գրուզինֆորմ»-ը։
Նշվում է, որ սա ամենաբարձր ցուցանիշն է վերջին երկու տարվա ընթացքում՝ 2023 թվականի մայիսից ի վեր: Տարեկան գնաճը հիմնականում պայմանավորված է տրանսպորտի, սննդի և ծառայությունների որոշակի կատեգորիաների գների աճով:
Ընդհանուր գների մակարդակի նվազումը հիմնականում պայմանավորված է «հագուստ և կոշիկ» կատեգորիաների, ինչպես նաև սննդի և գազավորված ըմպելիքների ավելի էժան կատեգորիաներով: Հագուստի գները նվազել են 5,2%-ով, կոշիկինը՝ 1,6%-ով:
Ապրանքների շարքում ամենաակնառու նվազումը գրանցվել է բանջարեղենի և բանջարաբոստանային կուլտուրաների դեպքում՝ 6,6%: Նվազել են նաև յուղերի և ճարպերի, հացի և հացաբուլկեղենի, կաթնամթերքի և ըմպելիքների գները: Միևնույն ժամանակ, թանկացել են մրգերը, քաղցրավենիքը, ձուկը, միսը, ինչպես նաև սուրճը, թեյը և կակաոն: Տրանսպորտի կատեգորիայի գները աճել են 1,8%-ով:
Հայաստանի կենտրոնական բանկը հայտնել էր հունիսին մինչև գրեթե 4% գնաճի մասին:
