Ուկրաինայի նախագահ Վլադիմիր Զելենսկին հայ կինոռեժիսոր Սերգեյ Փարաջանովին հետմահու պարգևատրել է «Ուկրաինայի ազգային լեգենդ» մրցանակով՝ Ուկրաինայի ազգային դրոշի և անկախության օրվա նախօրեին, հայտնել է «Ինտերֆաքս-Ուկրաինան»։
«Մենք հավերժ երախտապարտ ենք և շատ ուրախ, որ ապրում ենք մի երկրում, որը միավորել է նման հարգված և տաղանդավոր մարդկանց»,- ասել է Ուկրաինայի նախագահը:
Պարգևներ են հանձնվել նաև հասարակական, մշակութային և սպորտի գործիչների, զինվորականների և բժիշկների։
Փարաջանովը ծնվել է 1924 թվականի հունվարի 9-ին՝ Թբիլիսիում, մահացել 1990 թվականի հուլիսի 20-ին՝ Երևանում։ 2023 թվականի նոյեմբերին ՅՈՒՆԵՍԿՕ-ն իր օրացույցում ներառել էր Շառլ Ազնավուրի և Սերգեյ Փարաջանովի հարյուրամյա հոբելյանները։ Երևանում հունվարի 9-ին բացվել էր կինոռեժիսորի հուշարձանը։ Փարաջանովի հարյուրամյակը նշվել է նաև Թբիլիսիում։
Մեր ընտրանիում են Փարաջանովից մեջբերումներ, որոնք նկարագրում են նրա կյանքը և ստեղծագործական կյանքը։
