Armenia Today-ի խմբագրությունը ներկայացնում է, մեր կարծիքով, լավագույն մուլտֆիլմերի հավաքածուն, որոնք լայն էկրաններ են բարձրացել 2021 թվականին: Մուլտֆիլմերն ընտրվել են մեր ամբողջ թիմի՝ լրագրողների, խմբագիրների, օպերատորների քվեարկության արդյունքում։
«Լուկա» մուլտֆիլմը «Դիսնեյ»-ից անհոգ մանկության մասին անհավանական բարի և նուրբ ամառային հեքիաթ է. այն իտալացի ռեժիսոր Էնրիկո Կասարոսայի դեբյուտային լիամետրաժ մուլտֆիլմն է: Սյուժեի առանցքում դեռահասների բարեկամության պատմությունն է, որոնք մեծ աշխարհ են բացում իրենց համար։ «Լուկա»-ն անմոռանալի արձակուրդների մասին է, որտեղ տեղ կան և՛ տնական մածուկ, և՛ պաղպաղակ, և՛ մոպեդով անվերջ ուղևորություններ: Սյուժեի կենտրոնում Լուկա անունով տղայի և նրա ընկեր Ալբերտոյի մասին պատմությունն է՝ իտալական Ռիվիերայում գտնվող գեղեցիկ ծովափնյա քաղաքում։ Լուկայի ոչ մի արկած առանց իր լավագույն ընկերոջ չէր լինի, և անհոգ հանգիստը մթագնում է միայն այն փաստը, որ, ըստ էության, տղայի դեմքի տակ թաքնված է ծովային հրեշ։
Մուլտֆիլմի մասին ուշագրավ փաստերից «Кинопоиск» պորտալը առանձնացնում է այն, որ ֆիլմը նվիրված է իտալացի լեգենդար կոմպոզիտոր Էնիո Մորիկոնեի հիշատակին, իսկ տիտրերի վերջում գրված է։ «Լուկան» դարձել է առաջին ֆիլմը, որը ստեղծվել է տանը: Կորոնավիրուսի պանդեմիայի պատճառով դերասան Ջեք Դիլան Գրեյզեր (Ալբերտո) վոկալ պարտիաները ձայնագրել է տանը՝ խորդանոցում, որտեղ ակուստիկան ամենալավն էր:
«Ռայան և վերջին վիշապը» գեղեցիկ մուլտֆիլմ է, որի անիմացիաները գեղեցիկ լեռնային տարածքների պատկերներով են։ Մուլտֆիլմի սյուժեն ավանդական է, բարի ու լուսավոր հավերժական պայքարի մասին։ Ֆիլմի գլխավոր հերոսուհին՝ Ռայան, իր ընկերների՝ Տուկ-տուկի և վիշապ Սիսի հետ պետք է դժվար ճանապարհ անցնի, որպեսզի հասնի Կումանդրայի վերամիավորմանը։ Հանդիսատեսին անպայման դուր կգա կոմպոզիտոր Ջեյմս Հովարդի հեղինակած ֆիլմի սաունդթրեքը, որը հայտնի է «Գեղեցկուհին» (1990), «Փախստականը« (1993), «Վեցերորդ զգայարան» (1999), «Խավարի ասպետը» (2008), «Քաղցած խաղեր» (2012) և շատ այլ ֆիլմերի երաժշտությամբ։ Կախարդական երկրի՝ Կումանդրայի բնապատկերների ստեղծման ժամանակ, որտեղ ծավալվում են մուլտֆիլմի իրադարձությունները, հեղինակները ոգեշնչվել են Հարավարևելյան Ասիայի մի քանի երկրների (Վիետնամ, Թաիլանդ, Ինդոնեզիա, Մալայզիա, Մյանմա, Կամբոջա և Լաոս) բնությամբ, հաղորդվում է ОККО պորտալի կայքում։
«Бос – малокосос 2»-ը «Փոքրիկ լրտեսներ» ֆիլմի հաջող սիքվելն է, որտեղ երեխաները պայքարում են չար ուժերի դեմ։ Մուլտֆիլմի շարունակության մեջ պատմությունը տեղափոխվում է քառասուն տարի առաջ, երբ սյուժեի հերոսները՝ Թիմ և Թեդ Թեմփլթոնները՝ որպես մեծահասակներ, սկսում են պայքարել ոճրագործի դեմ, որը մտադիր է տապալել մեծահասակների իշխանությունը: Եղբայրներից մեկը դարձել է սիրող ու հոգատար հայր, իսկ մյուսը՝ ամբարտավան ու զբաղված գործարար, ով հոգ է տանում եղբոր ընտանիքի մասին՝ թանկարժեք նվերներ ուղարկելով եղբորորդիներին։
Մուլտֆիլմը, չնայած արկածային պատմություն է, սակայն ընտանեկան արժեքների մասին է և այն մասին, թե որքան կարևոր է զիջել և հասնել փոխըմբռնման.
Ինչպես նշում է ОККО պորտալը, «Бос – малокосос»-ի մասին ֆիլմերի շարքը հիմնված է մանկագիր Մարլա Ֆրեզիի համանուն գրքի վրա, որը լույս է տեսել 2007 թվականին։ Մուլտֆիլմը նկարահանել է ռեժիսոր Թոմ Մաքգրատը՝ «Մադագասկար» հաջողված ֆրանշիզայի հեղինակը, իսկ երաժշտությունը գրել է սաունդտրեքի ամենանշանակալի վարպետներից մեկը՝ Հանս Ցիմմերը:
«Հոգին» մուլտֆիլմը խորհուրդ է տրվում նայել անպայման չափահասի ուղեկցությամբ, ով կարող է երեխային պատմել, թե ինչու երբեմն այնքան դժվար է քաղաքային իրարանցումը դադարեցնել և վայելել գեղեցիկ մայրամուտը կամ ծաղկուն այգին, երեխայի հնչեղ ծիծաղը։ «Հոգին» Pixar-ի ևս մեկ գլուխգործոց է: Մուլտֆիլմի գլխավոր հերոսը Ջո Գարդներ անունով երաժշտական դպրոցի ուսուցիչն է, ով միշտ երազել է երաժիշտ դառնալ, սակայն կյանքն այնպես է դասավորվել, որ նա դպրոցում դեռ երաժշտության ուսուցիչ է աշխատում, բայց երազում է մեծ բեմի մասին: Երբ թվում է, որ Ջոյի երազանքն իրականանում է, նրա հետ դժբախտ դեպք է տեղի ունենում և նա ընկնում է այլ աշխարհ՝ հեռու երկրայինից։
Նշենք, որ «Հոգի» մուլտֆիլմը «Օսկար» մրցանակի է արժանացել «Լավագույն լիամետրաժ անիմացիոն ֆիլմ» և «Լավագույն երաժշտություն ֆիլմի համար» անվանակարգերում:
«Օլիմպիոնիկը» «Շարմ» ընկերության աջակցությամբ «Սահակյանց» անիմացիոն ստուդիայի (Sahakyants Animation Studio) երաժշտական ֆիլմ է։ Մուլտֆիլմի սյուժեի հիմքում Արշակունյաց դինաստիայի Վարազդատ թագավորի մասին պատմությունն է, որը 394 թվականին մասնակցել է Հունաստանում անցկացված օլիմպիական խաղերին ՝ դառնալով օլիմպիական չեմպիոն՝ «Օլիմպիկոս» տիտղոս ստանալով:
Հաճելի դիտում:
