ՀՀ պաշտպանության նախարարի նախկին տեղակալ-նյութականատեխնիկական ապահովման դեպարտամենտի պետ (2015-2016 թթ․) Մովսես Հակոբյանի նկատմամբ քրեական գործ է հարուցվել, Armenia Today-ին հայտնեցին Գլխավոր դատախազությունից։
Ըստ գերատեսչության՝ գործը վերաբերում է ՀՀ նախկին ՔՕ-ի 315-րդ հոդվածի 2-րդ մասով (Պաշտոնեական անփութություն, որն անզգուշությամբ առաջացրել է մարդու մահ կամ առողջությանը ծանր վնասի պատճառում կամ առանձնապես խոշոր չափերի գույքային վնաս կամ այլ ծանր հետևանք՝ պատժվում է ազատազրկմամբ` մինչև հինգ տարի ժամկետով) նախատեսված արարք կատարելուն։
«Հակոբյանի նկատմամբ որպես համակցված խափանման միջոց է կիրառվել՝ բացակայելու արգելք և գրավ՝ 10 միլիոն դրամի չափով»,- նշեցին Դատախազությունից:
2021 թվականին Հակոբյանը ներգրավվել էր մեկ այլ քրեական գործով, որով նա մեղադրվել էր պետական գաղտնիք հրապարակելու մեջ։ 2020 թվականի նոյեմբերի 18-ին լրագրողների հետ հանդիպման ժամանակ Հակոբյանը հայտարարել էր, որ զենքի գնման պլանն անհիմն կերպով փոխել է վարչապետ Նիկոլ Փաշինյանը։
2021 թվականի մայիսի 3-ին նա հրավիրվել էր Ազգային անվտանգության ծառայություն՝ հարցաքննության, որից հետո մեղադրանք էր առաջադրվել Քրեական օրենսգրքի 306-րդ հոդվածով (պետական գաղտնիք հրապարակելը)։ 2020 թվականի նոյեմբերի վերջին Հակոբյանը հայտարարել էր, որ ռուսական կողմից գնված Սու-30ՍՄ կործանիչները զինամթերք չունեն։
Հայաստանի պաշտպանության նախարարությունը հերքել էր հայտարարությունը և Մովսես Հակոբյանին մեղադրել պետական գաղտնիքները բացահայտելու մեջ։
