ՀՀ պաշտպանության նախարար Սուրեն Պապիկյանն ԻԻՀ պաշտպանության և զինված ուժերի աջակցման նախարար Ազիզ Նասիրզադեի հետ քննարկել է երկու երկրների միջև համագործակցության ընթացքին վերաբերող հարցեր, հայտնում է ՀՀ ՊՆ մամուլի ծառայությունը։
Նշվում է, որ նախարարները բարձր են գնահատել պաշտպանության բնագավառում երկու երկրների միջև համագործակցության մակարդակը։
Զրուցակիցներն անդրադարձել են նաև տարածաշրջանային ու միջազգային անվտանգությանն առնչվող մի շարք հարցերի:
Ապրիլի 9-10-ը Հայաստանը և Իրանը երկօրյա համատեղ զորավարժություններ էին անցկացրել սահմանամերձ Նորդուզ շրջանում՝ տարածաշրջանային կայունության ամրապնդման և ահաբեկչության դեմ պայքարի նպատակով։
