Ադրբեջանի ԶՈՒ ստորաբաժանումները մայիսի 7-ին՝ ժամը 22:22-ի սահմաններում, կրակ են բացել Սյունիքի մարզի Խնածախ գյուղի ուղղությամբ, ինչի հետևանքով վնասվել է բնակելի տան տանիքը, հայտնել է ՀՀ ՊՆ-ն։
Ըստ հաղորդագրության՝ տուժածներ չկան: Հայաստանի ռազմական գերատեսչությունն ադրբեջանական կողմին կոչ է արել հետաքննել Խնածախի բնակելի տան գնդակոծման փաստը և հանդես գալ հրապարակային պարզաբանումներով։
Վերջին երկու ամիսներին նմանատիպ միջադեպերը հաճախակի են դարձել․ ապրիլ ամսվա ընթացքում ադրբեջանական զինուժը երկու անգամ կրակել էր Սյունիքի մարզի Խնածախ գյուղի ուղղությամբ։ Ապրիլի 20-ի կրակոցների հետևանքով վնասվել էր գյուղի բնակելի տներից մեկի տանիքում տեղադրված արևային ջրատաքացուցիչը։ Մարտի 31-ին Ադրբեջանի ԶՈւ-ն կրակ էր բացել Խնածախի ուղղությամբ, ինչի հետևանքով վնասվել էր բնակելի տուն։ ՔԿ-ն քրվարույթ էր հարուցել ադրբեջանական զինուժի կրակոցներից հետո։
