Մենք չենք պատրաստվում նրանց գրպանները նայել, ճեպազրույցի ժամանակ հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան՝ մեկնաբանելով Հայաստանում առնվազն 2,5 միլիարդ եվրոյի ներդրման մասին ԵՄ-ի խոստումը։
Նա հիշեցրել է, որ սա առաջին դեպքը չէ, երբ Բրյուսելը խոսում է ֆինանսական աջակցության մասին, սակայն նման խոստումները, ըստ Զախարովայի, միշտ չէ, որ իրականացվում են։
«Սա դասական ժանր է՝ տալ առատաձեռն խոստումներ, ապա ֆինանսական խոստումների համեմունքների անվան տակ կառավարել գործընթացները, մաքրել փրփուրը և ստանալ միայն իր համար օգուտներ»,- հավելել է Զախարովան։
Հունիսին ԵՄ դիվանագիտության ղեկավար Կայա Կալլասը այցելել էր Հայաստան։ Նրա խոսքով՝ Եվրամիությունը կարևորում է Հայաստանի հետ սերտ համագործակցությունը և հետաքրքրված է Հարավային Կովկասում կայուն խաղաղության հաստատմամբ։
