Իսրայելական զորքերը Գազայի հարավում հայտնաբերել են երկու իսրայելաամերիկացի պատանդի դի, որոնք Գազա էին տեղափոխվել պաղեստինյան ՀԱՄԱՍ շարժման ղեկավարած հարձակման ժամանակ՝ 2023 թվականի հոկտեմբերի 7-ին, տեղեկացնում է BBC-ն՝ վկայակոչելով Իսրայելի ԶՈւ-ին:
70-ամյա Ջուդի Վայնշթայն Հագայը և նրա 72-ամյա ամուսինը՝ Գադի Հագայը, սպանվել են «Մուջահեդների բրիգադներ» խմբավորման զինյալների կողմից Քիբուզ Նիր Օզի վրա հարձակման ժամանակ, ասվում է հաղորդագրությունում:
Նրանց մարմինները հայտնաբերվել են Գազայի Խան Յունիս քաղաքի հարավային հատվածում և տեղափոխվել են Իսրայել՝ դատաբժշկական նույնականացման նպատակով։
Ներկայումս Գազայում ՀԱՄԱՍ-ը շարունակում է պահել 56 պատանդ, որոնցից առնվազն 20-ը համարվում է ողջ։
