ԱՄՆ նախագահ Դոնալդ Թրամփը մի շարք երկրների համար Միացյալ Նահանգներ մուտք գործելու սահմանափակումներ է մտցրել, 12 երկրի քաղաքացիների մուտքն ընդհանրապես արգելվել է, հայտնում է Associated Press-ը։
Այդ երկրներն են Աֆղանստանը, Մյանմարը, Չադը, Կոնգոն, Հայիթին, Էրիթրեան, Հասարակածային Գվինեան, Իրանը, Լիբիան, Սոմալին, Սուդանն ու Եմենը։ Ըստ Թրամփի՝ Նահանգներ նրանց մուտքն արգելելու պատճառներից են «տարածքում զգալի ահաբեկչական ներկայությունը», «կառավարություն ունենալը, որը բավարար չափով չի համագործակցում ԱՄՆ-ից արտաքսված քաղաքացիներին կամ բնակիչներին ընդունելու հարցում» և այլն:
Մուտքի սահմանափակումներ են կիրառվել հետևյալ երկրների քաղաքացիների համար՝ Բուրունդի, Կուբա, Լաոս, Սիերա Լեոնե, Տոգո, Թուրքմենստան, Վենեսուելա:
ԱՄՆ Գերագույն դատարանը մայիսի 30-ին թույլատրել էր Թրամփի վարչակազմին մերժել Վենեսուելայից, Հայիթիից, Կուբայից և Նիկարագուայից ավելի քան 500 000 ներգաղթյալի իրավական կարգավիճակը, որոնք թույլ էին տալիս նրանց օրինական գտնվել Միացյալ Նահանգների տարածքում: Նման կերպ դատարանը բավարարել էր գործադիր իշխանության միջնորդությունը՝ չեղարկելու համապատասխան ծրագիրը, որը մեկնարկել էր ԱՄՆ 46-րդ նախագահ Ջո Բայդենի վարչակազմի կողմից:
