ԱՄՆ նախագահ Դոնալդ Թրամփի վարչակազմը ծրագրում է դադարեցնել դաշնային կառավարության պայմանագրերը Հարվարդի համալսարանի հետ, հայտնել է CNBC-ն:
ԱՄՆ ընդհանուր ծառայությունների վարչության նամակում գրված է, որ դաշնային բոլոր գործակալությունները պետք է վերանայեն և հնարավորինս արագ դադարեցնեն Հարվարդի համալսարանի հետ ունեցած պայմանագրերը՝ հիմնավորելով դա «ռասայական խտրականության, կասկածելի խտրական աշխատանքի պրակտիկայի և հրեա ուսանողների նկատմամբ հալածանքներից պաշտպանվելու» վերաբերյալ մտահոգություններով։
ԱՄՆ մեկ պաշտոնյա նշել է, որ Հարվարդի հետ դաշնային կառավարության պայմանագրերի արժեքը շուրջ 100 միլիոն դոլար է։
Հարվարդի համալսարանը դեռևս հանդես չի եկել մեկնաբանությամբ:
Մայիսի 22-ին Թրամփի վարչակազմն արգելել էր բուհին օտարերկրյա ուսանողներ ընդունել: Դաշնային դատարանը, սակայն, արգելափակել էր այդ որոշումը:
