Արգենտինացի ֆուտբոլիստ Լիոնել Մեսսին Instagram-ի իր էջի Story բաժնում հայկական «Թումո» ստեղծագործական տեխնոլոգիաների կենտրոնի մասին հրապարակում է արել։ Instagram-ում 505 մլն հետևորդ ունեցող ֆուտբոլիստը կիսվել է կենտրոնի էջով։
2024-ի հոկտեմբերին Մեսսիի եղբայրը՝ Leo Messi Management-ի տնօրեն Ռոդրիգո Մեսսին, ժամանել էր Երևան՝ Նորարարությունների և տեխնոլոգիաների համաշխարհային կոնգրեսին (WCIT2024/DigiTec) մասնակցելու նպատակով։
Մեսսին այցելել էր նաև Երևանի «Թումո» ստեղծարար տեխնոլոգիաների կենտրոն և բարձր գնահատել դրա դերը դեռահասներին տեխնոլոգիաների աշխարհում հաջողության հասնելու ոգեշնչման գործում։ Ֆուտբոլիստի եղբայրը կենտրոնին էր նվիրել Արգենտինայի հավաքականի մարզաշապիկը՝ Լիոնել Մեսսիի ինքնագրով։ ««Թումոն փոփոխությունների խթան է։ Դուք աննախադեպ հնարավորություններ եք ստեղծում երիտասարդների համար»,- ասել էր Մեսսին։
