Հյուսիսային Մակեդոնիայի Կոչանի քաղաքում համերգի ժամանակ հրդեհ է բռնկվել, որի հետևանքով կա 59 զոհ, 155 տուժած, «ՌԻԱ նովոստի»-ի փոխանցմամբ՝ հայտնել է հանրապետության ներքին գործերի նախարար Պանչե Տոշկովկին։
Ավելի վաղ «Վեչեր» թերթը հայտնել էր, որ միջադեպի հետևանքով զոհվել է առնվազն 50 մարդ: Ենթադրվում է, որ ողբերգությունը տեղի է ունեցել հրատեխնիկայի պատճառով։ Չհաստատված տեղեկությունների համաձայն՝ ձերբակալվել է Pulse գիշերային ակումբի սեփականատերը, որտեղ համերգ էր անցկացվում։ Բացի դրանից՝ Հյուսիսային Մակեդոնիայի ՆԳՆ-ն հարցաքննության է կանչել համերգի կազմակերպիչներին։
Ավելի քան 80 մարդ հոսպիտալացվել է, տեղեկացրել է Մակեդոնիայի լրատվական գործակալությունը:
