ԱՊՀ 2023-2022 թվականների 10 ամենաբարձր տոնածառների թվում Երևանի Հանրապետության հրապարակի տոնածառը զբաղեցրել է 2-րդ հորիզոնականը։ Այս մասին հայտնում է uzdaily.uz-ը։
Աղբյուրը հայտնում է, որ Հայաստանի 2023-2022 թվականների գլխավոր Ամանորյա արհեստական տոնածառի բարձրությունը 37 մետր է, տեղադրված է Հայաստանի մայրաքաղաք Երևանի Հանրապետության հրապարակում, լույսերը վառվել են 2022 թվականի դեկտեմբերի 5-ին՝ «Մանկական Եվրատեսիլ 2022» երգի մրցույթի բացման արարողության ժամանակ։
Առաջին տեղում Թուրքմենստանի գլխավոր Ամանորյա տոնածառն է՝ 43 մետր բարձրությամբ։ Այն տեղադրվել է Թուրքմենստանի մայրաքաղաք Աշխաբադում գտնվող «Ալեմ» մշակութային և զվարճանքի կենտրոնի դիմաց: 2022 թվականի դեկտեմբերի 15-ին Աշխաբադում վառվել են Թուրքմենստանի գլխավոր տոնածառի լույսերը:
Երրորդ տեղն զբաղեցնում է Ուզբեկստանի գլխավոր տոնածառը՝ 35 մետր բարձրությամբ, որը տեղադրվել է Տաշքենդի Յանգի Ուզբեկիստոն (Նոր Ուզբեկստան) այգում գտնվող Իստիկլոլ համալիրում:
Լավագույն տասնյակում են նաև Ադրբեջանի՝ 37 մետր, Տաջիկստանի՝ 30 մետր, Ռուսաստանի՝ 27 մետր, Բելառուսի՝ 27 մետր, Ղազախստանի՝ 25 մետր, Ղրղզստանի՝ 25 մետր և Մոլդովայի՝ 20 մետր գլխավոր տոնածառները։
