Ֆրանսիան անիմաստ է համարում Թուրքիային ռուսական գազով ապահովելու համար նոր ենթակառուցվածքների ստեղծումը։ Այս մասին ТАСС-ի փոխանցմամբ՝ հայտնում է AFP գործակալությունը՝ վկայակոչելով Ելիսեյան պալատը։
«Մեզ համար իմաստ չունի ստեղծել նոր ենթակառուցվածքներ, որոնք թույլ կտան ավելի շատ ռուսական գազ ներմուծել», – մեջբերում է գործակալությունը Ֆրանսիայի նախագահի վարչակազմի անանուն ներկայացուցչի խոսքը: Նրա խոսքով՝ դրա կարիքը չկա, քանի որ Եվրոպան ձգտում է ազատվել ռուսական գազից կախվածությունից։
Չորեքշաբթի Ռուսաստանի նախագահ Վլադիմիր Պուտինը, ելույթ ունենալով «Ռուսական էներգետիկ շաբաթ» համաժողովում, հայտարարել է Թուրքիայում Եվրոպայում խոշորագույն գազային հանգույց ստեղծելու հնարավորության մասին, որտեղ կարելի է վերաուղղորդել «Հյուսիսային հոսք» – ով տարանցման կորցրած ծավալը: Այս հարցը քննարկվել է հոկտեմբերի 13-ին Աստանայում ՌԴ և Թուրքիայի նախագահների հանդիպման ժամանակ՝ Ասիայում փոխգործակցության և վստահության միջոցների խորհրդակցության շրջանակում։
