«Ալ Նասրի» հարձակվող Կրիշտիանու Ռոնալդուն մրցաշրջանի ավարտից հետո կարող է հեռանալ սաուդյան ակումբից, հայտնել է Tuttosport-ը։
Աղբյուրը գրել է, որ ավելի վաղ տեղեկություններ էին հայտնվել պորտուգալացու՝ Մադրիդի «Ռեալ» կամ Միլանի «Ինտեր» հնարավոր տեղափոխության մասին:
Պարբերականի տեղեկություններով՝ «Ինտերի» գլխավոր տնօրեն Ջուզեպպե Մարոտան հետաքրքրություն չի ցուցաբերում ֆուտբոլիստի նկատմամբ, քանի որ կարծում է, որ Ռոնալդուի տրանսֆերը ֆինանսական տեսանկյունից բարդ է:
Ֆուտբոլիստի գործող աշխատանքային պայմանագիրն «Ալ Նասրի» հետ նախատեսված է մինչև 2025 թվականի ամառ: Transfermarkt պորտալում ներկայացված տեղեկատվության համաձայն՝ ֆուտբոլիստի ծառայության շուկայական արժեքը կազմում է 12 մլն եվրո:
